أرجو رد مساهمتي للعام المنتدى متاهة ما مر عليها ساعة ليه تنقل

الاخ أبو الرجال
أفتكر مساهمتي مش عرض مشكلة أو أقتراح
وبعدين النقل مش في التو واللحظة
أفتكر على الاقل يوم والعام مليان

صدقوني إذا مساهمة أم مريم لم تعد ، حتلم عليكم خلق الله
وحتفرج عليكم كل المنتديات اللي في الشبكة العنكبوتية
مفيش فايدة يا أم مريم يا اختي
صرخي ولمي عليهم الناس .. خلاص طنشوا .. وبعدين قدمي استقالتك كما ( ياالله أما شعللها )
بصراحة لو معترفين بك مشرفة كانوا ....... يعني مش قادر اتكلم
امال لو عضو زي حالاتي كانوا عملوا فيه إيه
وبعدين مودينها فين بجوار منتدى ( التعازي ) يعني البقاء لله
لالالا ما تسكتيش .. يالله بينا على النيابة على طول مش حينفع الكلام ده

الفاضلة أم مريم
لم أنقل مساهمتك
ومش عارف هي فين أصلا؟؟؟؟؟؟؟؟؟
دمت سالمة

يا جماعة
فيه مساهمة ضايعة من أم مريم
عمرها ساعة واحدة بس بعنوان ( صار المنتدى متاهة )
بالبحث والتنقيب رأيتها قاعدة تبكي بجوار منتدى التعازي ( في منتدى الشكاوي والمقترحات )
من يعثر عليها ويستطيع إعادتها للعام
له مكافأة ( سطرين ) منها

يعني مفيش فايدة .. خلاص تلغرافات لرئيس الجمهورية .

أدى أبو الرجال . قال ملييش دعوه مشفتهاش ، والأدمن مدخلش النهارده ، الراجل الله يكون في عونه عنده شغل وبيدخل المنتدى بالليل . يبقى عفريت شالها وطار . .. ليه يا سعادة البيه المراقب كده تزعل الحاجة أم مريم . ولا مش انت كمان ..

نعم مش عارف هي فين
كانت عندك
ياشماتت خورشيد فينا
عندالتعازي بعيد عنك
أستر يارب أشطبها وريحنا منها
مدام خورشيييد ورانا ربنا يستر
برده مش متنازله عن الاسري يا أخ خورشيد
فين الادمن يشوف مين بيلعب في المنتدى
دلوقتي يقولولى الميزان أقصد المراقب
ودا عدل يامراقب دا لوكان هو
أنا مش هينفع الموضوع لازمني زيارة للامارات
شوف الشبكة من المنبع

خورشيد كتب:: اقتراح إلى الأدمن :

يمنع منعاً باتاً أي مشرف لمنتدى متخصص الكتابة في المنتدى العام . والموضوعات العامة للمشرف يكتبها في منتداه .، أما في حالة الرد أو التعليق على موضوع في العام فمن حقهم . ياجماعة كل واحد عنده بيته ولا منتداه يقعد فيه ويرحب بزباينه وخفوا عن أبو الرجال شوية .المشرفين المتخصصين سبب مشكلة الزحمة في العام.

أنا وراكم لغاية ما أشلكم خالص وتقعدوا تنشوا ....

والله شكل الاخ خورشيد
له يد في الموضوع
عموما الموضوع كبير نواصل بتالليل بعد المذاكرة للولاد وسلالالالالالالالالالالالالالالالالالام

أعتقد أن إقتراح الأخ الفاضل خورشيد بتحريم دخول المشرفيين المتخصصين بموضوعات على المنتدى العام أو غيره وكتابة موضوعاتهم فى منتداهم سيجعل المنتيات المتخصصة ليست متخصصة بمعنى كل مشرف له ميوله المختلفة فكثيرا منهم من يكتب بالأدب أو الشعر أو يأتى بموضوع طبى أو دينى فيضعه فى المنتىدى المناسب وبالفرضية المطروحة حاليا يضعه فى منتداه، وأعتقد أن بمثل هذا الشكل يقترح أن يكتب المنتىدى باسم صاحبه وليس بالتخصص وهذا مالا يقبله أى عقل ،لذافأنا أعتقد أن هذه دعابة من دعابات الأخ خورشيد لا أكثر .فهل يمنع أى مشرف أو يحجر عليه أن يفكر فى أى موضوع خارج منتداه ويظل جامدا

تم نقل المساهمة بمعرفة المراقب العام
ولاداعى للشعللة يا اخ خورشيد ام مريم لها كل التقدير والاحترام ونقل المساهمة لن يقلل من تقديرها او احترام الجميع لها وليس معنى نقل مساهمة تقليل من صاحبها او من المساهمة ذاتها
ارجوك ام مريم مشرفة المنتدى الاسرى ولها التقدير والاحترام ومهما قلت لن تستقيل او تقبل الاستقالة ولا تحاول الوقيعة بين المشرفين جزاك الله كل خير
انت باين عليك اليوم بسم الله ماشاء الله فايق وعايز تشعللها لكن اطمئن المطافى جاهزة بميت الديبة
على فكرة رئاسة الجمهورية ارسلت لنا للاستفسار عن سبب النقل وردينا عليها
اطمئن ارسلت رسالة خاصة لام مريم تقدير اً منا لها ولادبها ولتزيد حزنك على الشعللة هههههههههههههههههههههههههه

الحمد لله ان الحريقة التي اشغها الحاج خورشيد طفت
والمواضيع عادت لمجاريها
والجو العام بقي زي الفل

الاخ الفاضل أبو الرجال
طبعا مستانس من الاخ خورشيد
أوكى هنروح عند منتداياتنا ونرش ميه وأل عايزنا يجلنا ومنرحش لحد
لك وافر الاحترام والتقدير
طبعا حضرتك تعلم مدى احترامنا لشخصكم الكريم
ودي ما كانت الا دعابة بصراحة جات صدفة قلنا نغير الجو
تقبل احترامي وتقديري

الاخ الفاضل دكتور عبد الجواد
أسعدني مرورك وتعقيبك
طبعا دعابة من الاخ خورشيييد والهدف حضرتك عارفه
عايز نتنازل على المطابخ والمطاعم ويضيفها لمجموعة خورشيييكو
لكن بالنا طووويل ومش هنزعل ولا هنستقيل
لك وااافر احترامي وتقديري ودمت سااالم

الاخ الفاضل المراقب العام
أسعدني مرورك الطيب مش عارفة الاعضاء خايفين ليه من المراقب
مراقبنا طيب
بس بلاش تنقل مساهماتي عند التعازي الواحد بيخاف يروح هناك يشوف مين دخل مين عقب عليها
بصراحة مش زعلانين من النقل مدام فيها مصلحة المنتدى
كل الحكاية بحسب الاخ خورشيييد موصي حد قريبة على مسهماتي لانه بصراحه عايزني أترك الاسري
طمعانين في الاسم التجاري ( سلسلة مطاعم ومطابخ أم مريم )
لك وااافر احترامنا وتقديرنا لجهودكم الطيبة ودمت سااالم

الاخ م محمد
أسعدني مرورك مكنش فية حريقة ولاشئ
كان مساهمه تايهه الاخ خورشيد
قالى لاقيها عند الشكاوي فكنت بأسئل عليها
لان فيها بشرى للشباب الراغب في العمل تقديم سي في وهيتم تعينه براتب محترم
وداعا للغربة ومتاعبها من يجد لديه الكفائة يقدم أوراقة لدي السكرتارية
بمطابخ ومطاعم لأم مريم مع ذكر الخبرات السابقة وفي أي مجال
في أنتظار تقديم الطلبات
م محمد لك وااااافر الاحترام والتقدير

العزيز الفاضل الدكتور / عبدالجواد

أعتقد أن كل مشرف على منتدى ، اختار هذا المنتدى لحبه لهذا التخصص ، والمفروض أن تكون أكثر وأغلب موضوعاته واهتماماته تخص منتداه ، وهذا لا يمنع أن يزاول هواياته في الأدب والشعر ولعب الكورة وأي شئ آخر في المنتدى المناسب . ولكن المفروض أن يكون تواجده الأكثر والأغلب في منتداه .

تقبل تحياتي ، ليس هناك حجر ولا منع ولا أي شئ من هذا القبيل ، وأنا حتة عضو لا رحت ولا جيت وانتم الحكومة ، تسمعوا كلامي كيفيكم ما تسمعهوش برضه كيفكم ، أنا تحت أمركم .

أخوكم العضو / خورشيد

الاخ الفاضل خورشيييد
نشكر اقتراحاتك ونشكر جهودك
وتحية لك من سلسلة مطاعم ومطابخ ام مريم
أيه برنامج مطابخكم في رمضان
اعمل لنا خطة كدةوربنا يسهل مش هننسو مطابخكم
لك الاحترام والتقدير

» المنتدى صار متاهة وابواب مغلقة
» الجزائر تنقل كا س العالم 2010
» قنوات أبو ظبي تنقل كأس العالم للقارات باللغة العربية
» امرأة لم يقدر الشيطان عليها ..!!
» من قصائد مغضوب عليها 1 ( نزار قباني )