عدد الرسائل : 518 العمر : 36 المزاج : عادى والحمد لله تاريخ التسجيل : 15/08/2009
موضوع: نصائح طازه للمخطوبين واللي لسه ما اتخطبوش الثلاثاء يونيو 01, 2010 11:12 pm
الموضوع ده لكل البنات علشان شكلهم يكون حلو وميخدوش تريقة بعمرهم بعد الجواز والشباب علشان يخدوا بالهم
لو ربنا فك عقدتك واتخطبتى فاليكى نصائح هامه حتى تاخذى بخطيبك من مركب الخطوبه اللى محدش عارف هترسى على ايه الى مثواه الاخير فى قفص النسانيس قصدى قفص الزوجيه السعيد
اجمل ما فى الخطوبه العزومات الرومانسيه على احلى محلات اكل فى البلد واللى عمرك ما هتشوفيها تانى بعد الجواز
المهم النصايح ليكى عند اى عزومه مع خطيبك اهم حاجه الرقه قولنا ايه ؟؟ رقه
1- الاول لازم تعرفى ان الشوكه والسكينه بيتمسكوا من ايديهم من الطرف يعنى مش من الوسط
2- العيش اوعى تفضحينا وتقطعيه بسنانك ولا الرغيف نصين بايدك وكل نص تاكليه وتحشرى.... اوعى
العيش بيتقطع بالسكينه فى الطبق وبعدين تاخدى لقمه لقمه بالعافيه قال يعنى نفسك مسدوده اضغطى على نفسك وعلى اعصابك جدااااا وبعدين لما تروحى ابقى كملى ولوغى زى ما انتى عاوزه
3- الشوربه ابوس اديكي بند الشوربه دا مهم اوى اوى الشوربه تتشرب من غير صوت خالص ومن غير ما تقعدى تنفخى فيها - زى القهوجى اللى بينفخ للزبون فى الحجر - تتشرب بالمعلقه وبدون صوت سخنه ولعه برضه بدون صوت
5-المكرونه الاسباكتى برضه بالشوكه تتلف على طرف الشوكه لحد ما تخلص وبعدين تحطيها فى بؤك من سكات مش تشفطى المكرونه عود عود
6-السمك مشكله شوفى بتفصلى اللحم عن الشوك ازاى ؟؟ اقولك أنا بدل ما نتكلم كتير ... نصيحه متكليش السمك خالص قولى مبحبش السمك وخلصى نفسك
7- الفاكهه لو فيها بذر طلعيه من بؤك بالراحه وحطيه فى ايدك وهى مقفوله اوعى يا حاجه انتي من اى نظام تانى مينفعش
8- لما تخلصى اكل تحطى ايدك على بطنك اللى عصافيرها بتصوصو من الجوع وتقوليله مش ممكن انا عمرى ما اتفجعت كدا انا ادامى اسبوع هبطل اكل فيه
وبعدين تمسكى الفوطه اللى دايما موجوده على الترابيزه من غير لازمه وتبوسيها ال يعنى بتمسحى بؤك وبعدين تستاذنى منه لدخول الحمام لاصلاح مكياجك وتدخلى الحمام وتطلعى منه لفه الفول والطعميه اللى انتى جايباها معاكى وبألف هنا وشفا
*******************
احلى سلام بقي
ابن عزيز مصر ديباوى مميز
عدد الرسائل : 457 العمر : 30 الموقع : مصـــــــــــر المزاج : يمكن حلو يمكن وحش بس الحمد لله تاريخ التسجيل : 17/08/2009
موضوع: رد: نصائح طازه للمخطوبين واللي لسه ما اتخطبوش الثلاثاء يونيو 01, 2010 11:59 pm
ههههههههههههههههههههههه ههههههههههه حلوه شكرا ياريس علي الموضوع الرائع
أبوديب ديباوى مميز
عدد الرسائل : 642 العمر : 55 الموقع : http://www.shbab1.com/2minutes.htm المزاج : رايق تاريخ التسجيل : 23/01/2009
موضوع: رد: نصائح طازه للمخطوبين واللي لسه ما اتخطبوش الخميس يونيو 03, 2010 1:46 am
ياشيكا يالذيذ تحيه مباركه من عند الله ايه الحلاوه دى والله اضحكتنى حتى البكاء دمت مبتسما ولا تفارقها شفتيك الابتسامه وعلى فكره هى العزومه دى مافيهاش عصير ولا ايس كريم ولا اييييييييييييه ولا قزقزه لب ولا اكل ترمس ههههههههههههههههههههههههههههههههههه تقبل تحياتى
???? زائر
موضوع: رد: نصائح طازه للمخطوبين واللي لسه ما اتخطبوش الثلاثاء يونيو 08, 2010 10:46 am