يوم مـُـــــــــــــــــــــــــــــــــــــر

كلامك مش صحيح يا استاذ فاب اللي صقط العضو اهله وخلافات وتقسيم الكعك
بس من حق اي واحد يترشح يا استاذ انت رجل تعبت وصحفي مثقف
تحب تزوير ولا تقفيل ولا خوف الناس ......بس مجرد تعليق
العضو وانصاره فكر الحزب جابيه وتقفيل ونجوح لواحده ولم يعبر الشقه ولا افلاطون
وهورجل محترم بس حواليه عصابه صقططه
متلومش الناس ويا فاب لا تحزن مكسب وخساره وراي حريه

الانترنت عمل يقطع دخول وطلوع اصل حد يحسب ان انا باطلع
مخروب زي ابو كتينه بتاع عزبة الجبل عندنا
يوم مر يوم حلو يا عم انت زعلان ليه اذاكان قرايب النائب اترشحو ضده زعلان من الشافعي ليه
ولا غيره مش من حقه يتعرف زي الناس وبعدين احنا انتخبنا شويه هنا وشويه هنا اللي يحب
وفكر في اللي جاي ومحي هيجمعهم تاني ولا خليفه ووو انا هاصلي واسرح احش شوية للبهايم لو مؤاخذه ولا تزعل يا فاب

ميت الديبة بريئة ليه يا استاذ فاب الالانترنت بتقطع ومردتش علي ليه تحمل المسؤليه هما عملوا جريمه ما كان 24 مرشح من كل البلاد ومحي وعمه ومحي بدا يتصل علي ناس في الحصه وعندنا حقه مش عارفين هتعملوا ايه
عضمه كبيره بركه صديقك ده بيضحك عليك فاكر السادات صلح مع الدول بالخارج وحط السجن به ناس كتير فشل لازم تصلح داخل وتختار ناس تساعد مش تنفر منها الناس
يالله اقولك لا تحمل الي ترشحو اكثر من ذلك

هي ميت الديبه عزبه عشان تسحب اللقب كده يا فاب فكرك ده بطل من زمان وواحد من ميت الديبه قلي مجلس محلي مجلس شعب كله معاهم بس ربك والحق هو محترم بس دور علي العيب فين والمره الجايه تجتمعوا يا ميت الديبه
لكن كلامك ده هيخلي الناس كلها تطلع ممنوع تقفيل وهتلاقي 10 مرشحين وهتلاقي ناس في المحليات وانت قلتم ضرب هيحصل محصلش كانت منظر جميل الستات وارجاله كله بيتساهر مع بعضه وانت اللي جبت الصور بتقول كده
فيه واحد من الشقه ركب وراح لمحي في عربيه من شويه هو 10 انفار كان مع عضوكم لكن بيسبق عشان ياخد منصب ومحليات مفيهاش حاجه ما الانتخابات كلها فلوس واكل

يا خي لا تزعل ولاتتنرفس مش ضعفه ده دكتور كبير وواحد ضرايب زي باسمع
تاني لا تحمل الناس واستفيد

اييه الالنترنت هتخذلني
انتم يا اعضاء مبتبدلوش الاستاذ فاب الراي ليه سلبيين ليه قولوله يافاب احنا ولاد بلد واحده وكلامك هيجيب عكس و احنا كلنا معا اهلنا هتعمل عدوات وتفرقه ماصقط كام مره قطان وغازي وسعد وكل الناس خسوا يعني وبعدين انت م ولاد بلد عيب كلام يتنطور والناس بتحسدكم علي الحريه اللي حصلت نجوح ايه بس انا ملاحظ اعضاء رايها عكس ما تقول مش عارف ليه
عوودوا للوراء كلام تحاسب عليه
هو يعني محي كان عضو ولا ابوه كان عضو ده كان عضو جمعيه زمان يا فاب يا بني بس لبس البوصه تبقي عروسه واللي عمل الناس دي شوية فتوات وشقلبصات في الهواء بقوا بوهات بس طيبين لاتغلط في عيال بلدك وانت قرات لك زمان انا بابن عمي طلع ماليش دعوه انا صراحة مش عارف مين ابن عمك بالضبط سامي المشد ولا مين كلكم اهل وبكره حجمهم يكبر والمرشحين هيجوا عليهم ويكبروا اضحك انت محمل الشي زياده
وخليت الاعضاء يا يردوا غلط يا يجاملوك باللسان وخلاص انت تعبت وصحفي بس رايك مزعلني
وايه يعني الانتخبات كله في الهجايص
قوم صلي العصر قوم يا فاب قوم يا ابني واستهدا بالله انتم فاضيين رايح احش برسيم والله يابني لو قلت لك ظروفي هتعيط بس مبسوط وكنت باشتغل زمان بس منهم لله اللي السبب ولا زعلت
اخوك الكبير نارنج زي البرتقال مخلل آهو شكل ميغركش عشان تستفيد
[size=24]الاخ العضو الفاضل

نرجوا منكم التزام قواعد المنتدى وعدم ذكر اى شخص بأى لفظ او اشارة او كلمة تسىء الية ونرجوا منكم عدم التعليق على كلمات الاعضاء والتعليق يكون على الموضوع دون الاشارة الى اى عضو واذا كان الاعضاء فاضيين لانهم يشاركوا فى مشاكل بلادهم فمن الافضل لك ان تقوم بحش البرسيم (حسب طلبك )ولا تشاركهم وقتهم الفاضى ونشكرك على الالتزام الادارة[/size]

العصر ادن خلاص
ويا اعضاء منورين المشد ودتور حسني والادمين والفاب والزنس حسام والمهندس وعلاء السعدني وكلكم احباب ولا حد يزعل ورايح اصلي الانترنت بتا ع ابني شوفوا علي فقري ده بس ىهو يالله

الشكر والتقدير للباشمهندس سمير
ولكن يا أستاذي إذا لم نتحاسب في هذه اللحظة ويعرف الجميع حقيقة ما حدث فمتي نتحاسب ؟!!!!!!!
ليس بكاء علي اللبن المسكوب ولكن اعتبره عقابا حتى لا يسكب اللبن مرة أخري ..... صح يا هندسة
دمت بخير

استازى الفاضل طارق
السلام عليكم ورحمه الله وبركاته
انا اؤيد الباشمهندس سمير وارجو منكم غلق هزا الموضوع لعدم المشاكل ال فات فات وراح لحاله معلش ده رائ واحد صغير السن ولكنى والحمد لله اعرف الصح من الغلط
تحياتى للجميع
دمتم بود وحب

أشكر الإدارة علي الرد نيابة عني علي نارنج
فلقد آثرت عدم الرد لعدم اللغط الغير مجدي
لسنا هنا لنجرح شخص بعينه وذكر اسمه
ولكن كما ذكرت للباشمهندس سمير أنه نوع من أنواع التعنيف علي اللبن المسكوب صحيح مش ها يرجع للإناء تاني بس علي الأقل لا ينسكب مرة أخري
وإلي كل أخواني في المنتدي وفي القرية أكررر:
لست علي عداء مع احد أو أسب احد أو أذكر أحد بسوء
ولكني حزين علي ضياع الحلم
أأقولكم حاجة وما تزعلوش مني .... لما ياسر منير جاب حصان ولف بيه المرازقة وهو بيضربه بالعصا ( رمز ياسر في الانتخابات ) أهان ميت الديبة ولا لأ .... وليه الحصان بالذات ... ليه ما جبش الجمل مثلا ماهو منافس له برده ... لأنه كان رمز لميت الديبة ولكننا جهلنا ذلك .... كانت سمعة بلد .... وما دفعناش عنها
الشكر والتقدير للجميع أقارب وأهل وأصدقاء وتذكروا أننا في قارب واحد يبفع أغرقه عشان فيه شخص أنا مش عاوزه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

الشكر والتقدير للأستاذ علاء ولكنها أنات الجرح العميق
لله الأمر من قبل ومن بعد
وعسى أن تكرهوا شيئا ويجعل الله فيه خيرا كثير
دعوة لكل أبناء القرية وقادتها وزعمائها ورؤس عائلاتها اتحدوا .... اتحدوا الان فقد عرفتم ان الامر ليس بهين
كونوا أسرة واحد لنا كبير نحترمه ونحترم كلمته
لماذ لا نتحد في كل شيء والدورة القادم نجتمع علي فرد واحد ونقف خلفه أيا كان إنتماءه العائلي المهم أن يكون ابن من أبناء ميت الديبة ويشترط أن يكون له ثقـله في الخارج حتى ننافس بقوة ونفوز بالمقعد مرة أخرى ....
دامت القرية كلها بخير وسلام وحب
شاكر لجميع المرور والنصيحة

صدقت يا أبا عبد الرحمن
من الصعب العودة و فيه حاجة غابت عن كثيرين هي :
استمرارها في البلد كلن في صالحهم حيث أن البلد كان ستبقي في الصورة وفي الريادة السياسية أما الآن من أدراهم أن البلدة الأخري سوف تتركها بسهولة في المرات القادمة مثلما فعلنا

الشكر لمرور الطارقين
الأستاذ والأخ الأكبر طارق عطا الله
الصديق والحبيب الأستاذ طارق السعدني
نعم حسبنا الله ونعم الوكيل
ولن تضيع قريتنا فعلا طالما ان بها احرار مثلكم

عجبا لكم في هذا المنتدى قبل الانخابات منكم من هاجم جمال سعد الدين بالبطانة السيئة وقلتم ترشيح ابراهيم ومفيد ديمقراطية وشعارات غيرها
فلتسالوا ابراهيم ومفيد ماذا كسبوا الأن هذه هي الديمقراطية ثلاثة من قرية
الدورة القادمة عشرة مرشحين وكيف اقول لأخر تنازل لأخيك هذا ليس من الديمقراطية
ليست اصوات البلد هي التي تنجح المرشح حتى ولو كانو ا متفقين ولكن اتفاق
البلد وجود مرشح واحد يجعل لك فرصة التربيط مع مرشح اخر وهذا مافقدناه
اسألوا بطانه ابراهيم ومفيد هل هم بطانة تعمل لصالح البلد ام العكس وهل ماحصل
لصالح البلد هل شعرتم بالديمقراطية
حسبي الله ونعم الوكيل في من ضيع البلد من قول او فعل

شكراً يا أبـا رانــــــــــــا
مديحك أسمي وسام علي صدري
بس سيبك من المعنويات دي ههههههههههه
حبيبي ... مشكور والحمد لله ان وفقت واتصفت بالحيادية
الشكر لك من مر
ولا عججب ولا تعجب فنحن نسعي لصالح القرية وليس منا مآرب أو مصلحنجي ولهذا كان كل شخص حر في رأيه
دمت بخير

شكرا استاذ فاب مفيش غلط في حد اما اقول محي معناها الكابتن وفلان لانه معروف زي السادات
حبيب العادلي يعني مغلطش
وانا مغلطش يا عطالله والي كتبوا كتر خيرهم فيه وفيه
انت اللي قلت غلط يمكن ساعة غضب يا ابني
وسيبك انت تكاتك ايه وبتاع ايه كله تزوير في تزوير وتقفيل في فتح الحزب الوطني نجح في كله
وكله بتنسي وخلاص لاتزعلوا

يا صبر عجب راي وخلاص لاتزعل يا ابني بطانه ايه تربيط ايه

شكر خاص جدا للاستاذ طارق على النقل الممتاز
اما الانتخابات ياريت نقفل الكلام فيها علشان مفيش حد يزعل من حد
الشكر والتحيه مرة اخرى للمراسل العظيم طارق
والادمن الرائع ايمن
ودمتم بخير

عجب يا فاي هو انت مجرحتش دنتا قطعت في الناس اولاد بلدك انت بتقولوا باسوا بعض
حصل كل ده في دوائر مصر كلها وخطط وتفيل وترشيح انت بس ردوا عليك الاعضاء مجامله
ومرشح ايه يا ابني انت طيب الل معاه يسوي واللي معهوش انت شايف اضحك يا فاب اضحك
انت اعتذر لاخوانك يافاب مفهاش حاجه وكل اللي علقوا يعني واحلي واحد الواد اصغنن ابو نظاره ربنا يكبره ولا تزعلوا يا ميت الديبه ويا ابني كل ميت الديبه صقطط بعضها لاتلوم المرشحين لوم اقاربك وخيرها في غيرها ومصر كلها لازم تعيش كده عصابه ياابني سعد زغلول قال وانا يا ابني مدرس تاريخ واعرف عنك لا تزعل لا تزعل
كل بلدكم راحوا امبارح للي هيعيدوا تربيط تربيط واضحك اضحك

الشكر والتدقير لصديق العمر الحبيب عبد العاطي صبحي
أنا معك يا صديقي ... كفانا جراح الآن لنلملم أحزاننا ونبني مستقبلنا بأيدينا دون ان ننتظر العون من احد نحن أبناء المنتدي وأبناء ميت الديبة الأوفياء نحن شباب لديه حمية وأخلاص و ثقافة و إصرار لنجتمع نحن ويكون المنتدي هذا هو بوابة العبور لغد مشرق
أكرر شكري وتقديري لعبد العاطي ودمت بخير
لنغلق الموضوع ......... الان
وأشكر كل من مروا
الأستاذ أيمن مجيد الأدمن
الأستاذ محمد عطا الله مشرف المنتدي العام
الأستاذ محمد المشد نائب المدير
الأستاذ الفاضل علاء السعدني قلب ميت الديبة النابض
الأستاذ والصديق طارق السدني
الأستاذ والأخ الأكبر طارق عطا الله
الأستاذ والصديق عبد العاطي صبحي
الباشمهندس والأخ الأستاذ سمير
البرنس حسام وشاكر هدوءك في التعليق
الأستاذ وابن العم صبري أنور
الأستاذ الفاضل طــــــــــــــــــــــــــــــه بالي الغائب الحاضر الذي يعاود المرور بلا تعليق ربما للمرارة التى يشعر بها وربما أحيانا لا نجد الكلمات التي تعبر عن رفضنا
كما أشكر الأستاذ الفاضل يوسف عباس الرحماني
ولا أنسي أيضا الشكر لكل من مروا علي الموضوع دون تعليق فقد بلغ عدد المشاهدات 400 مشاهدة
الشكر للجميع ...... دمتم بخير

وبناءاً علية فقد تقرر اغلاق الامر برمتة
ولنسعى الى يوماً حلو بدلاً من اليوم المر بمرارتة
وحتى لاتتشعب الامور اكثر من ذلك

تم غلق الموضوع (( موضوعات الانتخابات ..... وكفانا مرارة ..... ونتعلم من الأخطاء ....ونتعلم التشاور والمشورة ....... ولا نتكبر ....... فالخبرة اهم من المنظرة..... نبتعد عن الافتراءات على خلق الله ....... حتى نصل على رضاء هذا وذاك ......))


_________________