العمر كله يا ريس

العمر كله يا ريس

تصدق ولا حسينا بكل السنوات دي ..

ال بحب إنسان يتمني يشوفه علي طول

ويمر الوقت بشفته كلمح البصر

ربنا يديله الصحه ويمشي في جنازتهم

وربنا يعطيه طولة العمرونشوف أحفدنا بيهتفوا بيه

اية التفاؤل دة على الصبح
مدجيش منك يا ادمن هههههههههههههههههههه
على العموم المفتاح معاية توكل على الله كلنا فداك

الحبيب الرحماني ...

ربنا يطيل في عمر الرئيس ويعطيه الصحة والعافية رجل قدم الكثير والكثير
وما يزال يقدم لهذا الوطن ..

أشكر لكم كلماتك الطيبة ..

الحبيب / محمد بك المشد

مفيش حد يشوف الريس ولا يتفاءل ...!!

متفائلين طالما زعيمنا وقائد مسيرتنا الرئيس مبارك بخير وبصحة جيدة يتوالى الرؤساء والزعماء في كل مكان وهو يقف شامخاً عزيزاً يحمي عرين مصر ويقود مسيرة الإصلاح والنجاح ...

صباح الفل .. وادعي معايه للريس ... أطال الله عمره ...

حبيب قلبي ...

انا اؤيد الريس من كل قلبى حتى اخر نفــــــس ,,,,

فى سجارتي

أضحكتنا يا حاج احمد لم نراك يا ابن اخويا بس ظريف

وأبلغني عمك مجدي انك مبطل السجاير

هي سيجارتك طولها 90 سنه
نهارك فل يا باشا والله لسه بأضحك علي السيجارة دي والواحد كان مغموم من موضوع كده
أزلت الغم وواحد جنبي لسه بيضحك للآن

ويا حاج الموضوع بتاع الرئاسة ده خف تعوم خلينا في الخفيفه

أخوك ابو اسلام

انا لقتكم وخدين الموضوع جد شوية
والموضوع دة ميتعلقش علية غير بــ "" والله قعدتك غم يا غريب ""
اصل 30سنة كتير كتير يعنى

إحنا شعب صبور
وبعدين فيه تغيير إنتوا ليه بتنكروا
بص للصور هتلاقوا فيه تغيير ههههههههههه
انا عموما تعودت إني اسمع مصر مع مبارك حتى أنني أشك أن مبارك سوف يغدو لقب كل رئيس زي الملك كده يعني
يله مش مهم ... المهم إنها ماشيه

بروح بالدم نفديك يا ريسنا

هو فية حد زية من الموجودين فوق بالصور هو هو لوحدة حلو وقمر

ربنا يخلية وطول العمر يدية

مشكور يا ادمن وربنا يديك الصحة وطلت العمر زية وتظل كابس على الزرار

ههههههههههههههههه

بجد كلنا مع الريس ومش عايزين غيره لانه مفيش غيره ولا هيكون فيه غيره مش عارف يا جماعه احنا ليه مش بنحمد ربنا على النعمه دى احنا هنعوز ايه اكتر من اللى احنا فيه عايشين فبلدنا معززين مكرمين والشباب مبسوطه وسعيده والحياه زبادى فى الخلاط ولا فكرنا نتغرب ونسافر اله وهنسافر ليه هو احنا محتاجين ايه اصلا

احييك يا ادمن انك وريتنا الريس من زمان كان شكله ايه اصلنا جيلنا كله مكناش نعرف شكله قبل منتولد كان ازاى
ووالله كلامك احسن فكاهه وهونت علينا يا احمد بيه انور بجد فكيت الموضوع بدل ميجلنا الضغط احييك وكما نعرفك دائما بافضل القفشات
تحياتى للجميع تقبلوا مرورى

الفاضل / أحمد بك انور

نم نحن نؤيد الرئيس لآخر نفس بس مش من سيجارتك .. آخر نفس بجد مش هذار ....

والاستمرارية فيه الاستقرار ، ويا سيدي شعبنا فيه اكثر من 80 مليون مصري وما أدراك ما هو مصري ... مختلف الطباع والإتجاهات ... فشكراً لهذا الرجل الذي تحمل طباعنا على مر هذه السنوات ...

يا عم أحمد الرجل في بيته لما يكون عياله كتير شوية بيتعذب على ما يربيهم أو يعلمهم أو يخرجهم أو يجوزهم ، مابالك بهذا الأب الذي خرج أجيال وأجيال ...

ادعي للريس بجد ...وألفين سلام وتحية لزعيم مصر ... تحيا مصر

مساء الفل يا حاج طه ...

رد أحمد أضحكني كما أضحكك .. لكن الريس بتاعنا روحه كبيرة ... والصبر عنده عالي ...

وكل أبناء الشعب أبنائه ....

ولو الناس تفكر بجد في الصورة هتعرفوا ازاي الريس اتحملنا وصبر علينا كل هذه السنوات ...

ويا حاج طه .... كفاية الريس سايبنا بنكتب ونعلق ونقول اللي عاوزينه ... شفت الديموقراطية ..

تحية خاصة إلى ولي امرنا وحامي ديارنا القائد المفدى مبارك ... تحيا مصر

حبيبنا المشرف الهمام

ايوا بجد ارتبط اسم مصر باسم الزعيم مبارك ..... كلامك صحيح وتمام التمام

اينعم احنا اتولدنا في عصر ولاية الريس السادات بس لم نراه ولم نشعر به كما شعرنا بالزعيم مبارك ... ولا ايه رأيك ؟؟؟

ده عمر طويل وعشرة كبيرة يا راجل .... أدام الله عز وعمر زعيمنا مبارك ...

واهي ماشية وخليها ماشية ...

حبيبنا ابن القاضي ...

كلامك عسل يا راجل يا عسل

طبعاً مفيش حد زي ريسنا .... ربنا يخليه ... ويعطيه الصحة العافية ..

بس أنا شكلي هسيب الزر قريب ... ربك يستر ... ههههههههههههههههههه

وابقى افتكرني يا ابو عاصم وخلي بالك من عزبة مريم .... وأبويا الحاج ... هههههههههههههه

الفاضل/ وسيم بك سعد الدين

فعلاً هو ريسنا ومش عاوزين حد غيره ....

ولازم بجد نحمد ربنا على نعمه علينا ... احمد واشكر ربك يا معلم

وابسط يا عم ادي انته شفت الريس من أيام الـ 81 والصور تعبر عن تعاقب الأجيال ...

بس الكبير كبير ... والزمن مش هيقدر يغير اي شئ فينا ولا في حبنا للريس ..

الحبيب الفاضل الادمن
تحيه مباركه من عند الله
تـحــــــــيـا مــــــصــــــــــــــــــــــــــــر
اخى الفاضل يوجد اخوه افاضل عاصروا عهد الريس جمال والريس السادات وحاليا الريس مبارك
وايضا يوجد اخوه وابناء افاضل لم يعاصروا الا الريس مبارك والان عندهم ثلاثون سنه ويحبون التغير
يا راجـــــــــــــــــــــــــــــــــــــــــــــــــــــــــــل
تـحــــــــــــــــــــــــــيا مــــــصـــــــــــــــــــــــــــــــر
وعاش الريس وربنا يديله الصحه
دمت مسالم

الحبيب ابن الديب ...

عاش الريس وربنا يديله الصحة والعافية

هو دا الكلام

حبيب قلبي ... أنا جيلي مواليد 75 ....

كل المعلقين لم يقولوا شيء يا حاج أيمن مجرد دعابات وترويح عن النفس يا حاج

وربنا يا عم يطول عمر الريس ويوفقه

وانا يمكن استفدت من مشروع مبارك للخريجين والرجل اعطاني 5 فداديين وبيت واخذت حقي من الحكومه من كل شيء ومدين للحكومه حقيقي وأي حاجه تطلبها مني الحكومه علي راسي

ويا سيدي انا الريس علي دماغي وربنا يعطيه الصحه والعافيه

وده مجرد آراء يا عم أيمن أنا هالاحقها محاكم منين ولا منين !!!!

مساء الورد يا حاج طه ..

متخفش احنا واخدين موافقة بنشر الموضوع .. ههههههههههههههههههه

اسكت بيني وبينك .... انا ركبي بتخبط على الجيران من الموضوع ههههههههههههه....

قلت ننزل بموضوع نسلم فيه على الريس مش هو والدنا ولا ايه ؟؟؟....

بس كنت خايف من التعليقات .. والحمد لله بجد حسيت اننا كلنا أبناء مخلصين للريس وللحبيبة مصر ...

خالص تحياتي يا حاج طه .... وتحيا مصر ...

تحية من القلب لك الا عضاء الكرام
الا ستاذ الفاضل/ايمن مجيد
الريس دا ابونا وهو احسن من غيرة على راى المثل بيقول الى نعرفة احسن من الى ما نعرفوش ويا سيدى كفاية ان احنا فى عهد الر ئيس محمد حسنى مبا رك عا يشين متطمنين ومرتا حين البال مش قا عدين خا يفين لا واحد امريكى يد خل على ويقتل ابوية قدام عينى روحوا شوفوا الرئيس الراحل صدام حسين على الرغم من انة افضل حا كم او رئيس عربى من وجهة نظرى شوفا العراق عا ملة ازان
يا جما عة الر يس دا معلش ان كنا فى عهدة كانت الحياة صعبة العيشة غالية ولكن عا يش مطمئن على حيا تك
ربنا يطول عمرك يا ريس وتفضل حا مينا علطول
ونشوفك دا يما وجة مصر فانت نعم الا ب
با الروح با الدم نفديك يا مبارك*با الروح با الدم نفديك يا مبارك

الأخ الفاضل / عزيز

ربنا يطول عمرك يا ريس وتفضل حامينا علطول
ونشوفك دايما وجه مصر فانت نعم الا ب
با الروح با الدم نفديك يا مبارك*با الروح با الدم نفديك يا مبارك

أحسنت يا باشا ..

هو دا الكلام ... وبحب الناس الرايقة

الفاضل ايمن مجيد

انا بس يا ادمن عايز اقول انه كويس ان اغلب رؤساء امريكا مسكوا الرئاسه دورتين يعنى علشان الجدول يكون بسطر واحد ,,, شكله بيكون احسن صح ولا ايه ؟؟

الأخ الفاضل/ وسيم بك ..

مش المهم في سطر ولا سطرين ..

المهم من الذي سطر التاريخ ..؟!!

ربنا يديم عزك يا ريس ...

ولا ايه يا وسيم ؟؟!!

انت مًَصر

طيب

الصراحه يا ريس زوقك فى الكرفتات ملهوش حل
ملامح متغيره فى كل صوره

يا جدعان إنتوا عيزين آآآه تانى
مش كفايه إن إنتم بتتنفسوا ببلاش
يا نهار أبيض
والله الريس ده ذى النسمه بيعدى ولآكإنوا موجود
سنين 30سنه عيشين العالم بيتغير (((((ونحن نرقد فى سبات تام نحن نعمل فى صمت)))))
ده الريس موفرلنا كل حاجه وزى ما قال الأخ وسيم
الشباب مبيسافرش فيه فرص عمل فى البلد عمرنا مسمعنا لعن هجره داخليه ولا خارجيه
الشاب من دول يخرج يلاقى الوظيفه جاهزه.
وكل حاجه رخيصه
أنا مش هتكلم فى النقطه دى علشان دى نقطه منهيه
وتحياتى للأستاذ أيــــــــــــ مجيدـــــــمــــــن
ولكل الساده الأعضاء

[size=9]بـــــــــــــــحـــــــــــــــــــــــــــــــــ يا ريس ـــــــــــــــــــــــــبــــــــــــــــــــــــــك

==========
تحياتى وقبلاتى هههههههههههههه

الفاضل/ شادي محمد عبد العزيز

والله الريس ده ذى النسمه

كلامك تمام يا عم الهمام .... ربنا يحفظ مصر وقائد شعب مصر ...

ومبروك للنجوم ..

رونالد ريجان

بوش الأب
كلينتون
بوش الإبن
أوباما

5 رؤساء أمريكان منذ عام 1981م وحتى الآن تعاقبوا على حكم الولايات المتحدة الأمريكية، ورئيسنا ربنا يبارك فيه ويعطيه الصحة والعافية وطول العمر ، ثابت في مكانه لا تهزه الرياح ولا تؤثر في الأعاصير ، إحنا شعب مصر نختار رئيسنا بالمحبة والرغبة ، أما عندهم يختاوره بما يسمى بالديمقراطية ، كلنا بنحب الريس ولو اترشح مائة دورة قادمة سنختاره .

نحن الذي غنت فينا فايدة كامل وهي عضوة مجلس الشعب
( احنا اخترناك ... وحنمشي وراك ... ياريس يا حبيب الكل ) وبالمناسبة غنتها لعبدالناصر والسادات ، ويمكن للرئيس مبارك ، والطريق مازال طويل وسنظل نسير ورا الريس لبر الأمان. ونحن نغني وحنمشي وراك يا ريس يا حبيب الكل .

تحياتي ومودتي .

الحبيب الفاضل/ خورشيد

والطريق مازال طويل وسنظل نسير ورا الريس لبر الأمان. ونحن نغني وحنمشي وراك يا ريس يا حبيب الكل .

يا سلام على كلامك يا باشا ... كله حكم ... والطريق ما زال طويل ..

وبكل الحب نختار قائدنا وزعيمنا ..

يحيا الزعيم ...

وخالص تحياتي ..

زائر

علشان كل الكلام الي فات

علشان كده احنا ... اخترناه
وصبح

اسمعوا منى يا رجاله
من واحد بيحب مصر
بعد التحيه وبعد السلام ازيك ياريس وازاى المدام وقبل ما انسى انا بشكرك علشان يعنى بتسال علينا وربنا يقدرك ويخليك لينا
شكرا ياريس على كل حال الشعب كويس وفل وعال العال الشعب واكل ما عندوش مشاكل والشباب شغال واللى يقولك فيه بطاله والمواصلات مش شغاله والحكومه بقى حالها زباله ولازم تتشال ابعتله بسرعه ولاد الحلال من قفاه ها يشحنوه وها يكرموه ويشغلوه فى ابو زعبل يكسر جبال اهو احسن من قعدة القهاوى ويقعد يقول كوسه ورشاوى
الرايس راجل طيب وبشعبه دايما مشغول............؟
تحيا مصر
تقبل مرورى

» افضل ايام العمر
» الوزن الطبيعي يطيل العمر
» ماذا تقول اذا بلغت الأربعين من العمر!!!! معلومات اسلامية