| بنت ام باتعة!!! | |
|
+5pharmacist abdou badawey Admin على عاطف المحامى ابن القاضى الكبير 9 مشترك |
كاتب الموضوع | رسالة |
---|
ابن القاضى الكبير ديباوى مميز
عدد الرسائل : 1748 العمر : 56 الموقع : https://debawy.yoo7.com/ المزاج : رااااايق والحمدلله تاريخ التسجيل : 10/01/2009
| موضوع: بنت ام باتعة!!! السبت يناير 22, 2011 2:39 am | |
| البت باتعه… بنت زيد عبد الصبور اللي أمها يوم عرسها كان عفشها… حلّة ووبور ومعاه كمان صندوق خشب كان أصله سحارة صابون فيه بنستين والمكحلة ومراية والفلاية والملقاط وحجر وليفة ومبخره وقزازة كان فيها البخور وجوز صحون ومنٍخُلين.. والطشت والقروانه والغربال.. ومقشّه ليف… ومقشتين عرجون وزير وزلعة وقلتين وماجور وحصيره من سوق التلات ولحاف بإيدها منجداه ومخدتين والوش كان دمُّور في الانفتاح علي رأي صاحبي ولانبطاح وفتحنا مصر سداح مداح والعرض اصبح مستباح ونسينا حي علي الكفاح والشعب محكوم بالسلاح اتلخبطت كل الأمور وقيم كتير وعادات كتير اتغيرت من ضمنها غًلو المهور البنت دي بنت أم باتعه مش عاجبه حد في مشيها إكمنًّها.. مشيت طريقها لوحدها والأسرة غابت عنًّها مشغولة عنها بعبئها سايبينها هيًّ وشأنها وإكمنًّها مستهدفه الأجنبي ومعاه غبي فكّر لها قال أولا: ترفض معيشة أهلها ترفض أوامر ربها ترمي الحياء والانتماء ورا ضهرها تقطع جدورها بنفسها أوعز لها إزاي حتعرض لحمها وتبان مفاتن جسمها من ضفرها.. لأعلي خصله ف شعرها عمل الصالات… تعرض موضات والاعلانات… ماليه الشاشات بالشنبوهات والتسريحات وحاجات كتير فرحت بها تاهت ونسيت نفسها وتكلًّمك ربع الكلام بالأجنبي وتقول هالو… بنت أم باتعه تقول هالو مرسيه يا شوشو وثانك يو وكَمٍ يا توتو وياللا جو وبكرة بينا راندفوا وكبار شيوخ المسلمين ما عرفش ليه مًتلجًّمين والمسئولين… فتحوا الببان علي وًسعها قام قال سلامة ألمًّها يمكن تغيّر فكرها ترجع لدينها وربها وتعيش حياتها بحلوها وبمرها راح لـ أمها… يخطبها منها وقال لها بصراحه بنتك.. عاوزه حد يلمّها وأنا قدّها قالت: وماله البنت يلزمها الجواز شخشخ جيوبك.. واشتري ياللا الجهاز قال: اطلبي… قالت: تجهز شقه.. قد أربع إوض أحسن نابوليا في البلد وتجيبها من دمياط وتجيب نجف من غير عدد والمكنسة بشفاط والدِش قبل الدٌش والفيديو والبوتاجاز وتجيب لها تلاجة ستاشر قدم وتجيب لها قبل الجواز… الفرو والمحمول وتجيب لها غسالة فول أنا قصدي فول توماتيك شقتها كاملة.. زي أي بوتيك وتجيب لها قبل الجهاز الشبكة طقم من الدهب أنا مش حاقولك ألماظ وتجيب لها فستان زفاف من غير كمام من غير كتاف علشان يبين صدرها وتبان مفاتن جسمها وتجيب غوازي تزفها واللي اسمه إيه شهر العسل في الشرم واللا الغردقة وبلاش أمور البعزقة آدي مطلبي إن كنت قادر مهرها قرَّب لها أنا مش حاميّل بختها.. قال: يا ام باتعه حاجيب منين أنا لاني راجل مرتشي ولا أحب أجيب بالدّين ولا أرضي بالتقسيط.. الطاق بيبقي طاقين ويكتّبوني شيكات أو أمضي علي ايصالات علي إنها امانات وحكاية مش هيّ لو بس فات شهرين مادفعتلوش قسطين بدل المحامي اتنين حايجيب له رفض الشيك ومصيبه وقضيه ومش حاقولك عالقرف وحاجات مخلًّه بالشرف اما البوليس والمحكمه حابقي ف نظرهم منحرف وباكسر القوانين شوفي يا ام باتعه أنا عندي شقه محندقه معقوله ماهش ضيقه فيها يادوب أوضتين وعملت جمعيه مع ناس أماره زيكم وقبضتها ألفين وادي اللي عندي وقلتلك بصراحه وبإذن واحد أحد ربًّك حايفرجها.. وباتعه حتريَّحك.. وتعيش مرتاحه قالت له: قم من هنا قم فضها سيره أنا احترمتك.. عشان الأهل والجيره بتقولي الفين جنيه?!! الفين جنيه دول ايه ؟؟ وانا اللي قال بافتكر.. باتعه حاتخد بيه حافظ علي كلمتك يا اهبل.. وخلًّيك زوق دي باتعه طول عمرها دايما تبص لفوق لاحمر ولاخضر وشي محزَّق وبنطلونات والشعر فوق كتفها سايح وفي الكوافير مش كل طير يندبح خد دش وانت تفوق وتفوق لنفسك وتتكلم كلام موزون وفرضنا انت اللي عاقل والمستمع مجنون ! ألفين جنيه للغوازي واللا للمأذون?!! فيه ناس كتير زيكم مش عايشة في الدنيا. مابتسمعوش الرداوي.. واللا تلفزيون?!! شفت اللي بيقدمه الحاج متولي?!! الشقه بالعفش كامله.. وفلوس كتير في البنك كتبه لعروسته.. دَا غير اللبس والمصاريف شايفاه بعيني ولا واحد غريب قالًّلي كل المسلسل تابعته دقيقه بدقيقه والحاج متولي إلهي لم يشوف ضيقه راجل صحيح مًقٍتًدًر كل البنات عاوزاه وباتعه بنتي.. إلهي يكون نصيبها معاه مش جاي تقولي الشباب !! أنا ناقصه هَمٍ تقيل قال: يا ام باتعه اسمعيني كل دا تمثيل قالت له: ده قصر ديل وبلاش كلام فاضي الشعب راضي مافيش غيرك عامل لي تقيل ما تكونش ماهر يا شاطر واسم أبوك عطار والشاي علي النار وقاعد لسَّه عالرمله والحلوه تيجي تلاقيك فارش لها المنديل.?! قال: يا ام باتعه دي ناس بتوزع الأوهام ساعدوا العدو بجهلهم في الحرب عالإسلام وأنا مش بالوم جهلهم اللوم علي الإعلام قالت: خلاصة الكلام أنا بنتي مش من وقمكم شوفولكو ناس علي قدًّكم أنا بنتي حلوه مثقفه حافظه الأغاني كلها. أحدث شرايط عندها. دي لما تلبس بنطلونها الجينز كل الشباب تجري وتخطب ودّها ونانسي عَجرم نفسها ما تجيش في خصله ف شعرها ولا تيجي ضفر ف رجلها طب والنبي… لو شافها واحد أجنبي ليجيب لها. كل اللي ييجي ف نفسها
انا بنتي عايزة جدع عايق يكون كسيب ابوه في حزب اسمه ايه ويكون من المحاسيب او زي ابن ام بطة شغال على التهريب او من بتوع النوادي او يكون لعيب الجون بمليون جنيه ويغيظ امين الديب قال يا ام باتعة اللي يرضى بالحلال هيعيش مفيش بيوت تتبني بالغش والتهبيش هي الاغاني تداوي ام عين عورة ولا الدول تتبني بالفن والكورة ويا ريته فن بصحيح .. لكن مالوش قيمة فن الجريمة بقى على الشاشة والسيما وعادتنا حتى القيم اتقطعت اشلاء فقد الشباب الانتماء بس المهم يعيش تايه ما بين الفراعنة والعرب وقريش وعلموه الاستكانة لأجل اكل العيش وغصب عنه اتحكم بفتوة والالاديش عايزين نعيش يا ام باتعه زي خلق الله نحمي الشباب من الفتن وبلاش من المغالاه اللي انتي عارفاه حرامي .. بس مش شايفاه سرق عقولنا واخلاقنا بتلفيزيون صنع سلاسل وسحبك وانتي ماشية وراه قالتله قوم يا ابن زاهية يا ابن ام عين حوله عمال تلقح كلام .. هو انت من دوله قوم فز غور من هنا .. قوم غور متحبسناش بتجيب في سيرة اسمه ايه والفجر لسة مجاش فاكر في يوم اسمه ايه ... يوم احتفال اسمه ايه ....ساعة ما مات اسمه ايه... وجه بداله اسمه ايه ... عمل قانون اسمه ايه .. وبيه وبيه مخلي اسمه ايه .... باشا في امن اسمه ايه ...يقطع لسان اسمه ايه .. لو جاب في سيرة اسمه ايه ... عقبال سلامة ابن ايه .... ويحطه في اللي اسمها ايه .... تقعد سنين متحاش فكرك تحوش اسمه ايه .. هو اسمه ايه يتحاش ؟؟؟
قال يام باتعة انتي ايه .. قصدك تخلي اسمه ايه ... يحبسني في اللي اسمها ايه من غير محاكمة اسمها ايه ... اقعد سنين متحاش ... هو انا جيبت سيرة اللي اسمه ايه ؟؟؟ وفرضنا قلت اسمه ايه برده مغلطناش .. قالت خلاص فضنا .. يا تقوم تغور من هنا انا بنتي زي القمر لسة عريسها مجاش عاوزاه يكون مقتدر ويكون كبير يا بلاش انا ناقصة هم الشباب ..والنفخ عالفاضي فاكرني مكتب شؤن هديلكو بنتي بلاش قوم فز غور من هنا قوم فضها سيرة ... واوعاك تعبت هنا لو ليك كرامة صحيح اصل اللي زيك كدة الدم عنده شحيح وان كنت بالشكل ده يوم خرجتي متجيش
خرج يقول يا مسلمين .. يا ولاة امور المسلمين اللوم لمين .. للمسؤلين ولا الحرس يا مثقفين دقوا الجرس ... ماله الجرس صابه الخرس اوعاك تقول ان الودان صابها الصمم اوعاك تقول الناس كمان زي الغنم مبيفهموش وبلاش تكونوا بجهلكم او حتى في ناس منكم بينفذوا تخطيط لبوش فتش وشوف الجرح فين .. وضح وقول للمسؤلين وبلاش من النوم في العسل .. وبلاش كسل ويا ريت تكونوا القدوة وتكونوا المثل وبلاش تعرض سمعتك للقيل وقال وبلاش طريق الهلس والبطال بكرة التاريخ هيغربلك ويغربل الاعمال في ناس تعيش وناس تموت ولا تتنسيش .. وناس تموت تحت النعال وفي كتب زي الدهب .. وفيه كتب من غير تمن يرموها للزبال يا مثقفين فين جهدكم ... والمشكلة ادام عينيكم كلكم ... ادامكم فرصة عمركم راقبوا البرامج كلها وتفكروا واستفسروا القصد ايه من بثها . ومين ومين من المسؤلين صرح بها .. وفين شيوخ السلمين علشان توقف عرضها واللوم لمين ؟؟؟ يا كبار شيوخ المسلمين قولوا بصراحة على الملأ لو و احدة تعرض لحمها.. وكمان تسيب شعرها ...ولا تختشيش من ربها ...ولا تستحيش على دمها ..مهرة وسايب سرعها من غير لجام يا كبار شيوخ المسلمين عايزين امام .. يصرخ ويقول لوزارة الاعلام حرام ..وبجراة يعلن كلمته .. علشان يبرأ ذمته .. يعمل حساب يوم دفنته يعمل حساب يوم الزحام ... ادامكوا عام والزحف جاي من العولمة والامريكان وخلاص بدا شد الحزام ياايها الحكام .. متغيبوش وعي الشعوب بالشرطة والاعلام الكيل طفح .. وادي الشباب بتقولكم ادامكو فرصة عمركوا ادامكو عام .. يا تقولوا على الدنيا السلام
| |
|
| |
على عاطف المحامى مشرف المنتدى الثقافي
عدد الرسائل : 181 العمر : 50 المزاج : معتدل تاريخ التسجيل : 02/06/2009
| موضوع: رد: بنت ام باتعة!!! السبت يناير 22, 2011 3:39 am | |
| الله عليك يابن القاضى يسلم نقلك ويسلم عمنا الشخ امين الديب شاعر العامية الفلاح قوى ، وبجد قصيدة معبرة جدا عن الوضع الحالى لك تحياتى
| |
|
| |
ابن القاضى الكبير ديباوى مميز
عدد الرسائل : 1748 العمر : 56 الموقع : https://debawy.yoo7.com/ المزاج : رااااايق والحمدلله تاريخ التسجيل : 10/01/2009
| موضوع: رد: بنت ام باتعة!!! السبت يناير 22, 2011 5:50 am | |
| على باشا غبت وماغاب لك رد يا جميل مرورك نور المنتدى والقصيدة للشيخ/امين الديب | |
|
| |
Admin المديــر العـــام
عدد الرسائل : 1816 العمر : 49 الموقع : https://debawy.yoo7.com تاريخ التسجيل : 08/11/2008
| موضوع: رد: بنت ام باتعة!!! السبت يناير 22, 2011 6:24 am | |
| بجد قصيدة رائعة لشاعر رائع ...
مشكور على النقل المميز يا ابن القاضي ...
| |
|
| |
ابن القاضى الكبير ديباوى مميز
عدد الرسائل : 1748 العمر : 56 الموقع : https://debawy.yoo7.com/ المزاج : رااااايق والحمدلله تاريخ التسجيل : 10/01/2009
| موضوع: رد: بنت ام باتعة!!! السبت يناير 22, 2011 8:04 am | |
| الفاضل/ الادمن وهذا من بعض ماعندكم شكرا لمرورك الكريم | |
|
| |
abdou badawey ديباوى مميز
عدد الرسائل : 317 العمر : 38 الموقع : debawy.yoo7.com المزاج : مصري أعشق الحياة أري بالإنصات'وإستماع الآخر موهبة وفن محظوظ من يملكها.أكثر ما يجذبني بأي شخص توازن تفكيره ما بين محافظته علي الدين وإحترامه وثقافته ولباقته بالحوار مقابل تقبله للطرف الآخر أحاول بهذه الزوايا أن أسقط بعض من أرائي وقليل من تجاربي لأستمع لأراء الأخرين وشئ من تجاربهم.... تاريخ التسجيل : 27/11/2008
| موضوع: رد: بنت ام باتعة!!! السبت يناير 22, 2011 4:25 pm | |
| الله عليك يا ابن القاضى والله قصيده جميله تسلم ايدك ياباشا وربنا يهديلنا البنت باتعه وأمها ههههههههههه تقبل مرورى
| |
|
| |
pharmacist ديباوى مميز
عدد الرسائل : 422 العمر : 33 المزاج : الحمد لله على كل حال تاريخ التسجيل : 19/01/2009
| موضوع: رد: بنت ام باتعة!!! السبت يناير 22, 2011 8:57 pm | |
| قصيدة راااااائعة بس ايه الزلعة دى؟؟؟؟؟
| |
|
| |
أبوديب ديباوى مميز
عدد الرسائل : 642 العمر : 55 الموقع : http://www.shbab1.com/2minutes.htm المزاج : رايق تاريخ التسجيل : 23/01/2009
| موضوع: رد: بنت ام باتعة!!! الأحد يناير 23, 2011 12:21 am | |
| الاخ الفاضل ابن القاضى تحيه مباركه من عند الله سلمت يداك فى هذا النقل والابيات الجميله لهذا الفلاح الفصيح تقبل تحياتى دمت سالم | |
|
| |
الرحمانى ديباوى مميز
عدد الرسائل : 394 العمر : 54 المزاج : الحمد لله تاريخ التسجيل : 27/04/2009
| موضوع: رد: بنت ام باتعة!!! الأحد يناير 23, 2011 12:40 am | |
| البنت دي بنت أم باتعه مش عاجبه حد في مشيها إكمنًّها.. مشيت طريقها لوحدها والأسرة غابت عنًّها مشغولة عنها بعبئها سايبينها هيًّ وشأنها وإكمنًّها مستهدفه الأجنبي ومعاه غبي فكّر لها قال أولا: ترفض معيشة أهلها ترفض أوامر ربها ترمي الحياء والانتماء ورا ضهرها تقطع جدورها بنفسها أوعز لها
ثلاث مهلكات....شح مطاع..وهوى متبع ..وإعجاب المرء بنفسه نقل جميل ياأبوعاصم وتقبل احترامي وحبي
| |
|
| |
خورشيد الرائد
عدد الرسائل : 2298 العمر : 72 المزاج : عادي تاريخ التسجيل : 22/12/2008
| موضوع: رد: بنت ام باتعة!!! الأحد يناير 23, 2011 6:44 am | |
| خرج يقول يا مسلمين .. يا ولاة امور المسلمين اللوم لمين .. للمسؤلين ولا الحرس يا مثقفين دقوا الجرس ... ماله الجرس صابه الخرس اوعاك تقول ان الودان صابها الصمم اوعاك تقول الناس كمان زي الغنم مبيفهموش وبلاش تكونوا بجهلكم او حتى في ناس منكم بينفذوا تخطيط لبوش فتش وشوف الجرح فين .. وضح وقول للمسؤلين وبلاش من النوم في العسل .. وبلاش كسل
من أروع القصائد التي كتبها الشاعر ( أمين الديب ) شاعر العامية المصري وهو رجل الآن تجاوز السبعين من العمر ومازال يقرض الشعر ويقيم الندوات واستضافه نادي الجسرة الثقافي في قطر مؤخراً وألقى هذه القصيدة ضمن ما ألقاه ، وصفق له الجمهور بحرارة يكتب بواقعية ، وقد استضافته منى الشاذلي العام الماضي في قناة دريم 2 ، وعلى قدر جمال هذه القصيدة لواقعيتها وكلماتها البسيطة العامية ، إلا أنك إذا سمعتها منه يختلف الأمر تماماً ، فإلقائه رائع وهو يلبس الجلباب البلدي الفلاحي الأصلي والعمة الفلاحي .
تحية لابن القاضي لهذا الاخيتار الرائع الموفق ، الذي يحاكي ما نعانيه من تقاليع وغلاء المهور والعنوسة وما يقذف به الإعلام في وجوهنا من إعلانات سخيفة ، ومطالب لأهل العروسة . يمكنك البحث في جوجل عن (أمين الديب ) واستمع إليه في تلك القصيدة وأخريات من إبداعه .
وتحية للشاعر الفلاح الأصيل أمين الديب . | |
|
| |
???? زائر
| موضوع: رد: بنت ام باتعة!!! الأحد يناير 23, 2011 8:57 am | |
| رائعة جدا القصسدة وتعبر عن واقع حياة الشعب المصرى الان وشاعر رائع ونقل فى وقته تقبلوا مرورى |
|
| |
م/سمير عبدالمحسن ديباوى مميز
عدد الرسائل : 102 العمر : 36 المزاج : الحمد لله تاريخ التسجيل : 19/08/2010
| موضوع: رد: بنت ام باتعة!!! الإثنين يناير 24, 2011 6:18 am | |
| قصيده جميله والله ينور عليك بس طويله قوى عايزه ساعه على ما نقراها
| |
|
| |
| بنت ام باتعة!!! | |
|